ຈີນ ທົດລອງລະບົບປ້ອງກັນທາງອາກາດໄລຍະສັ້ນ ທີ່ຜະລິດເອງ
ເມື່ອມໍ່ໆນີ້, ໂທລະພາບ CCTV-7 ຂອງຈີນ ໄດ້ເຜີຍແຜ່ຂ່າວກ່ຽວກັບການທົດລອງລະບົບປ້ອງກັນໄພທາງອາກາດໄລຍະສັ້ນ ຮຸ້ນ
Type 625E ຂອງກອງທັບປົດປ່ອຍປະຊາຊົນຈີນ ຜະລິດເອງ. ລະບົບ Type 625E ແມ່ນລະບົບປ້ອງກັນອາກາດໄລຍະສັ້ນຕິດຕັ້ງໃສ່ລົດ
ຫຸ້ມເກາະຕີນຢາງ 8 ລໍ້. ອາວຸດຊະນິດນີ້ມີໄລຍະຍິງ 6-10 ກິໂລແມັດຂຶ້ນກັບການກຳນົດ ຫຼື ຕັ້ງຄ່າ. ຕາມຂ່າວໃຫ້ຮູ້ວ່າ: ລະບົບນີ້, ເປັນຜະລິດ
ຕະພັນຂອງການຮ່ວມມືລະຫວ່າງກຸ່ມອຸດສາຫະກຳເຂດໃຕ້ (CSGC) ແລະ ກຸ່ມອຸດສາຫະກຳພາກເໜືອຂອງຈີນ ໂນຣິນໂກ (Norinco).
ລະບົບ Type 625E ຜະລິດຂຶ້ນເພື່ອປ້ອງກັນທາງອາກາດໄລຍະສັ້ນດ້ານຍຸດທະສາດການປ້ອງກັນທາງອາກາດຂອງຈີນ ຫຼາຍລະດັບ. ລະ
ບົບອາວຸດຂອງ Type 625E ລວມມີ: ປືນກົນ 25 ມມ 6 ເລົາ ທີ່ມີປະສິດຕິພາບສູງໃນໄລຍະ 2,5 ກິໂລແມັດ. ປືນນີ້ສາມາດສະກັດໄພຂົ່ມ
ຂູ່ທາງອາກາດໄດ້ຫຼາຍປະເພດເຊັ່ນ: ເຄື່ອງບິນຮົບ, ເຮລີກົບແຕ, ລູກສອນໄຟນຳວິຖີ ແລະ ພາຫະນະທາງອາກາດທີ່ບໍ່ມີຄົນຂັບທີ່ບິນຕ່ຳ (UAV).
ລະບົບ Type 625E ຍັງມີລູກສອນໄຟປ້ອງກັນອາກາດ FB-164 ທີ່ມີໄລຍະຍິງໄກເຖິງ 6 ກິໂລແມັດ.
ລູກສອນໄຟຊະນິດນີ້ອອກແບບມາເພື່ອສະກັດກັ້ນບັນດາເປົ້າໝາຍຢູ່ໃນລະດັບທີ່ກຳນົດ ແລະ ຍັງມີເພີ່ມລູກສອນໄຟ FB-10, ເຊິ່ງສາມາດ
ທຳລາຍເປົ້າໝາຍໃນໄລຍະ 10 ກິໂລແມັດ ແລະ ໃນລະດັບຄວາມສູງຈາກ 15-5.000 ແມັດ. ລະບົບ Type 625E ສາມາດເຄື່ອນທີ່ໃນຫຼາຍ
ສະພາບພູມມີປະເທດ, ມີການປັບຕົວຢ່າງໄວວາ ແລະ ການຈັດຕຳແໜ່ງໃໝ່ ເພື່ອຕອບສະໜອງຄວາມຕ້ອງການໃນສະໜາມຮົບ. ນອກ ຈາກນັ້ນ,
ລະບົບປ້ອງກັນອາກາດນີ້ຍັງປະສົມປະສານກັບຣາດາ ຄົ້ນຫາຕິດຕາມເປົ້າໝາຍດ້ວຍການກວດຈັບ ແລະ ຕິດຕາມເຮືອບິນທີ່ບິນຕ່ຳຂອງ UAV, ເຮ
ລີກົບແຕສູ້ຮົບ; ລະບົບ 625E ຍັງສາມາດຄິດໄລ່ເສັ້ນທາງ ແລະ ກຳນົດສະຖານທີ່ສະກັດກັ້ນທີ່ດີທີ່ສຸດ. ລະບົບຍັງຕິດຕັ້ງເຊັນເຊີແສງອິນຟາເຣດ
ຊ່ວຍໃຫ້ມັນສາມາດໂຈມຕີຫຼາຍເປົ້າໝາຍໃນເວລາດຽວກັນໂດຍຜ່ານຂໍ້ມູນຈາກພາບຖ່າຍອິນຟາເຣດນັ້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/06/2024